ЭШРЭФИ СЭРХАН "СУФ"

- Дядя, чямя синиф ды «б» синфи «Щяля пяйдо быкя?!» дискусийя клубя-дя щяняк кардедямон. Явон бямя суалшон доя ки, «Сцф чиче»? Дядя, бямы комяг быкя. «Сцф»и щяхядя бомоно гяп быъян.
- Чок, чымы баля. Ыся бячымы вотяйон чок-чокиня гуш быдя, - вотыме.
Сцфи щяхядя бя гяпи ъоьом бином карде ки, чяй йоддя чымы вотяйон чок бымандон.
Сцф чы шартцки щялоье. Яв чы шартцкя лени ови парзийя вырядя бешедя. Сцф кцлин бедя. Ови бяштя ве песпынедя. Яве чы сцфи пузон сыраф, чы шартцкися былынд рост бедян.
Сцфи кулон щаштянин ки, чявон тоно-кяноядя бя шартцки шекелон рост быбун, перясон. Бы горя сцф чы шартцки бящяри бя ъи еьандедя.
Сцфи гыляйян зийоняти щысте. Чиче яв? – Явян ыме ки, сцфян бяня шартцки щцшя кардедя. Шартцкя дывенядя сцфи щцшон бя шартцки дарзон дыля дяшедян. Шартцки куядя сцфи донон бя шартцки, чы шартцкядян бя бырз оваштедян.
Сцфи донон гядяли, гырдцл, пяши рангядя бедян. Чы арзыни дони гыляся тикей йол бедян.
Сцфи доня гыледяни. Поло патеядя яв бяня щцши сыьи бя одями дандонон гы-недян. Одям ясябин бедя.
Бя сцфи ъоьо зийоняти горя тцки нышони бя пешт чямя нянон тцки 2-3 кяря щялоь кардедян. Яммо, иъян шартцки леконядя сцфя щялоь мандедя. Бочи горя ки, сцфи ряьы-ришя бя зямин ве ныьыл ешедя.
- Дядя, щяни кон сцфон щыстин?
- Чымы баля, инсоня сцфонян щысин. Бяс явон конжо бедян? Явон чы инсонон дылядя бедян. Шартцки сцф бя ови сявони, одямя сцфон бя рящбярон незбе жон ьандедян. Чявон тоно-кяно овж кардедян.
Ысятня зямонядя инсоня сцфон щялоь бедянин. Сявети вахтядя иминжи рящбярон чы коядя бекардейядя чявон овж кардя сцфонян щялоь ябин. Ысят чямя мящолядя си сорядян вейе ки, иминжи рящбяр ыштя вырядя мандя. Яве ки, чяй сцфон ыштя ряь-ришон бя жямйяти ве ныьылшон еъяня. Явон чямя вятяншон бяня корятяни етяняшоне. Сортоншон ве бя: академикя сцф, шаиря сцф, артистя сцф, депутатя сцф, мияллимя сцф, дохтуря сцф, сипришя сцф, лап мялоя сцф щысте. Чывон дылядя зийониня сцф зийолийя сцфонин. Ягяр ъоьо бышу, да-понзя сори бяпешт чямя хяль бя сцф пебягарде! Ымян, чымы баля, бо чямя омя нясли ве йоля бялое. Бяпе быныштямон, бы щяхядя ныьыл-ныьыли фик быкямон. Чы бяло вяй ыся ныьятомон, пешо ди бябе.
Толышон нынгон яня овядян. Хябяшон ни ки, ыштян боштя хяльи сцф бян. Ыми щям бя ся дяштянин, щямян явони бя ся дяной бедяни.
Ланкон, 03. 10. 2000.