Ьязяня

Бяйшт бя сяпо, мящыт, Мещди!
(Бо Мещдибяйи ийян кали яьлон)

Вясе щытиш, бяйшт бя сяпо,
Миллят иъян егнйя бя по,
Чич бя бяты, охо, Мещди?
Вясе, еват чохо, щайди!
Мяйдон беши, хяль бя чяше,
Мяйдонядя ьейряткяше!
Вясе, Мещди, вясе, мятарс,
Бяйшт бя сяпо, щяни мяларз,
Ышты щях ни бя дцмо ше,
Ты омягард чы щях ро ше
Фик быдя бя Атахани,
Хяльи роядя дойдя жони.
Мяйдонядяй Елшад, Огтай,
Сябрядя бяй щич кяс ни тай!
Ланконядя Барат мандя,
Бя Авропя мяйдон щандя,
Мяйдон щандян Сабир, Сярхан,
Ханяли дай - шаирон хан.
Ликыъ Мурод, Сялащяддин,
Мусарыза, Защиряддин,
Мялло Фамил, я Фяхряддин,
Фяхрин хяльи ийян чы дин.
Бяйшт бя сяпо, мящыт, Мещди,
Ловне лозим Сяадяти,
Тцрмя чич кай бя Насири,
Нящватыше хяльи сыри!
Хяльи роядя мярд Ялякрам,
Зящяр щардя ьырам-ьырам.
Кыве чяй ъен, кыве яьлон?
Шой-шой кардян ысят шяьлон...
Бяйшт бя сяпо, мящыт, Мещди,
Тыни чяше ве толшя ди.
Тыки бявон ве вяд доя,
Шощиде бяй Шащан боя, -
Мяйдонядяй яв чан соре,
Чы рядио толшя шоре.
Дягеш бяни щич Шяфайят,
Щямон одям, щямон ниййят.
Ийо-яйо витдя Мцрвят,
Чангля дарди кардя хывят.
Сегля Мцшфиг ийян Елшян,
Мязын хяльи ройко бешян.
Дцмо шяни щич Бяхтийар,
Мяйдонядяй шаир Илгар.
Сейфял-мцлцк, Новрузяли,
Комяг быбц бявон Яли!
Мяйдонядя дыгля ширин,
Чы милляти кяши гирин.
Тарсо нызня Жаваншире,
Чы Осторо явян шире.


Хяльи фяхре, ве мащире,
Кинон лесы Жяващире.
Мяйдонядяй Елхан - я бо,
Чаня зылмон кяшя «Рембо»;
Авропадя чяви ванге,
Хяльи роядя иъян жанге.
Алманийядя чямя сяфир, -
Илщом кардя хяльи фикир.
Рост кардедя ве-ве бящсон,
Мятял мандян бяй немесон.
Зыне пидя щяхи дцрцст?
Кыве Щилал - ышты я дцст?
Чы мяйдоно щич бешяни,
Шонибядо яв ямяни!
Толшя фиргя аз ясьярим,
Иткян шейри щявяскорим.
Бя Щилали вотдям сялом,
Бо дышмени гыляй бялом.
Мяйдон бешян ысят ве зон,
Хяльи роядя жон дой щозон.
Бахши, Кащин, Сяфтяр, Мядоъ,
Бо дышмени Азяр сядоъ!
Бя йод дяьанд Зцлфцьари,
Щязо зылмон гирифтари,
Дынйо молон кяно ноше,
Хяльи роядя яв ьыбон ше...
Бя йод бийя мярд Явязи,
Ки бязне дой чяй явязи.
Рящмят бяви, бя Нящмяти,
Бя Ялирза, бя Ящяди,
Бя Шякяри, Вялиящди,
Садиь мандин бяштя ящди!
Мямядяья, я Гцляванд,
Бя рящмят ше - я йоля банд!
Хяльи дарди тов нываше,
Вяше-вяше чы дынйо ше,
Тофиь Илщом ве дард кяше,
Яня дардон дыштя баше.
Хяльи роядя чяй кардяйон,
И рцъ Хыдо бяка бяйон!
Ьейрятмандя я Ибише,
Чы номердон фитво яв ше.
Яв мардяни, яв шящиде,
Шящид бывяш бяй шощиде!
Бяйшт бя сяпо, мящыт, Мещди!
Кыве бывон, я Видади?
Бя Вялиша хябя быкя,
Быдя ыштя сядо бекя!
Кыве Шащлар, кыве Хилгят,
Кыве Айдын, кыве Фикрят,
Кыве Имран, кыве Ямир.
Кыве Сещраб, кыве Шащмир,
Мящрямяли, я Жащангир,
Я Няримон, щяким Сабир,
Дярвишяли мялло Жиндар,
Чямя хяльи я жяфодар!?
Дышмен виндя явон щытян,
Дярыведя сыпя-кцтлян...
Бяйшт бя сяпо, мящыт, Мещди!
Пекя явни чаня ди ни.
Аз вотдяним ьыбон быши,
Пидя, бя мяйдон бемяши.
Бя йод бийя ты я рцъон,
Чы Полади вотя «доъон».
Бо сыхани чахтя нявяйш,
Иъян чяйкц мисол явяйш:
«Инсон охня няфясядя,
Доъ кяшедя ьяфясядя,
Ыштян боштя щисоб бардя:
«Хяльи роядя чичым кардя?!»
Яьям нызне дцз жявоб дой,
Дыл тыпедя де зылми рой»!!!