Автор: Zoa Talishinskiy
Дата: 03 Ноя 2001 22:34
Аз ТОЛОШим шахри Бокуку нывыштам.
Сеhраб Эhмэди зоэн муаджире, бэмыку бэ мэлуматику энэ Москвада бедэ. Бэй ве-ве сэлом дыво выqандэм, ын бэhри-тэвилийэн бошмэ
Сеhраб Эhмэди зоэ
БЭhРИ-ТЭВИЛ
(Сабири qэзинэ )
Ей фяляк, зyлмы яйоне,
Дылымон лап тяйля хуне,
Чы джуря дери-зямоне,
Ямяни мясут, ямоне,
Чямя ко hяммяйся гоне.
Маштяку та бяшяви саhонядя бор жедямон, пял жедямон, кандедямон, тер жедямон, каштедямон, ов додямон—игля сыхан: джон додямон, тося бя вахти ки, мяhсул бешядя пяйдо бедян ве одямон: молявонон, бырqядерон, амбардарон, hесабдарон, инженерон, директорон, яqряномон, игля сыхан: зор одямон, дыз одямон, фяhля hяхи hардякясон, бячяй hесоб гардякясон, дярызедян бя мяhсули, джо кардедян рясяй-коли, hардян бяня дядя моли, бахш кардедян омя пули, чоко пули бя дас вардян, иштяhоно бя вярз варддян, бя шяв hарддян, бя руж hарддян, няфо hарддян, чоштя hарддян, hар вахт hарддян: кыры hарддян, кябоб hарддян, кянйяк hарддян, яряq hарддян, qоняq вардян, qоняq кардян, ялqяряз, бяштя чокя qоллоq карддян, hяля димийян си бедянин, мангя пулиян дуз додянин, чявядян гятдян: гязет пули, сяйуз пули, мяркя пули, билет пули, кяссер пули, верги пули, донэ пули, айыq пули, моqня пули, ишыq пули, qазя пули. рядио пули, телефон пули, hяни чы бызном чичя пули, валлаh додям аз омони, мандям дыштя тяйля джони. Ысят бывотян аз чич быкям, ыштя балон чоко йолкям, ковряй хоки бя ся екям? Няhойят, йолон вотен шой-шой быкян, омя hяни перестройкя, ыштя чяшон дыqлян окян, ошко быкян, ижлас быкян, ыштя hяхи тяляб быкян, тянqид быкян, рысво быкян, ныфин быкян, ноля быкян, быдя дызон hяйо быкян.
Бяле, пенж соре ки. шыдя перестройкя, ся бедяни мякя-быкя, qандяшоне мяхлоqи кя, руян бя тялон, чай бя тялон, qянд бя тялон, субун тялон, дяво тялон, игля мандя овян тялон, hяля обян кяперятивон, дызонышон доя сядр бявон, жедян бямя зоря кывон, пичят чявон, бина чявон, ганун чявон, йязяндж чявон, hяммя чявон, бямя мандя hязо дардон.
Ийо ТОЛОШ чокян вотдя: "Быжэн-быъян до певатдя, косиб ыштя hаны hытдя, дызон hяммя hярякятдя".
Аз ТОЛОШим шахри Бокуку нывыштам.
|
|
