| РUБАИЙОН |
| Главная страница. | напишите нам |
|
ЭhЭД МУХТАР
РUБАИЙОН И вахтон тяк-тцкбе номердя инсон, Одямон чявонкц якяйн дод-ямон. Жцри пегардя ын зямоня, ысят Мердон ды ангыштя нцшон дойдямон! Са сори бяпештян лопяъян бябе, Зырнояъян бябе, дяпяъян бябе. Янжях, бо хябя сяй щыням рясдяни: -Чямя зывонядя гяпяъян бябе?.. Мой бе пешня койе, солимон щяля, Бо рясе ве мандя, колимон щяля, Дешмен чок зынедя: лолимон щяля, Бо дцси чылгязя чолимон щяля... Чич быбц, шявы-рцъ мандямон оьо? Чанды-чанд соре ки, щытя сиочохо... Мяхлоьи гцзярон дявардя ъоьо, Малхцля ямяни кыштедя щоьо... Бяпе, бяъи чич вотедян, щяммя дц, Щарды-щяшмон и рцъ сесе, и рцъ сц, Ня мяседян, ня гяп ъяйдян, ня виндян, Гцшон корин, гявон лолин, чяшон кц! Бото тяфотыш ни, щямо, йа гыйя, Ня рык-ьейз зынедяш, ня зиккя-ьыййя. Чангяй памбя дяъя бяштя гцшон ты, Шяш манг ьыъ кардедяш, шяш мангян хыйя... Полощардя толыш сийо нцн няведя, Тарых бя йод дяштя, дылым тяведя! Бабяки вахтикц зинися янышт Ысят пиодя мандя, ше-ше щявидя... *** НЯСРЯДДИН ДИГОЪ ЧИЧ БЫКЯМ? (Бо Салещя боли) Илащи, мандям аз Деты дцбядц! Дынйо бомы ни бя – яв бя йоля дц! Пеьыъйя-тыршийя чымы орзц дц, Ты бывот, ыми аз, охо, чич быкям? Чо тяряфым дц, - азян мийонядя, Ъимон карде мандя чымы гийядя, Ыштя мящолым вяшт виндяе пийедя, Ты бывот, ыми аз, охо, чич быкям? Шяйтон чяня зындя, ыштя зцй ъяйдя, Гырдойо щар фикрон яв гырдя кардя, Боме я рцъ, бявиндем зылмян мардя! Ты бывот, ыми аз, охо, чич быкям? Щяхсызон щяхин бян, щяхонян - щяхсыз, Щоьо хун емедя, ъимон мяносыз, Зындям, оьятниш Ты ямяни йясыз, Ты бывот, ыми аз, охо, чич быкям? Нясир! Чы зылмику ты вейы воте, Зылми гинбе горош ты чиче вате? Быъян чякыж, осон чанядя тате, Хябя мясян Хыдоку ты: - «Чич быкям?» Щярякяткя, Толыши сяпо пекя! Хыдоян чы пийо бярякят екя! Хыдоян чы пийо бярякят екя! Ланкон, 10. 09. 02. |
