АЛИМ КИЙЕ?

АЛИМ КИЙЕ?

И-ДЫ СЫХАН

Ьырони_кярими «Фатир» суря 28-ня айя шярщыш ъыьойе: «...Чы бяндон дылядя янжях олимон Хыдаванди-алямико тарседян. Бячяй горя ки, мящз явон Хыдо офяйон щикмяти омцтдян вя щяьиьяти зындян...»
Яьям лап де дыььяти ым айя тядьиь быкямон, бявядя бя ся дябяшемон ки, олими тарс янжях ийян янжях чы Хыдокойе... Хыдоко сывой, чяй офяйон - инсонон, щяйвонон ым йа жо щодисон доя шяря нятижонко тарся кяс олим щисоб бедяни! Бя горя ки, олим щар гыляй коядя Хыдаванди-алями гыляй йоля щикмяти виндедя, щяхи зындя ийян де йоля сябри, де аьыли щярякят кардя.
Гыляй щядисядя Мящяммяд пейьямбяр (сяяв) вотдя ки, «...Бя Хыдаванди-алями ян хош омя жищод – бя зылмкоря подшо дими щяьиьяти вотейе...» («101 щядис». –Бакы, 1990). Де ъяьо олим щямян яве ки, Хыдоко тарсе горя, щяхсызя щярякятон бя мяйдон бешеядя ыштя сыхани воте тарседяни, йяни, дыштя ьялями ийян щяхя вотяйон жищод кардя...
Ысят бо инсонон чы дынйо тарыхи бялкямян ян чятиня ийян дящшятиня имтощони девре. Мящз ым – ХХ ясрядя де йоля дяжжолон – Ленини, Сталини, Ататцрки ийян жо кясон рящбяряти ъийо гядя шяйтононко иборят ьошцн бя жями инсонон мцщарибяшон елан кардя. Ым мцщарибядя милйон-милйон фяьыр-фцьарон, мярди-мярдоня олимон шящид бедян. Яьям ХХ ясрядя – 70-80 сори мыддятядя инсонон де коммунизми ийян миллятчийяти идейон зящярляндырмиш кардеко бяпеш, явони гыля-гыля физики ийян мяняви формядя мящв кардябцн, де ысят бой, ХХ ясри охой – ХХI ясри яввялядя де тоъя-тоъя шяйтоня методон явони мящв кардян: инсонон гядя-гядя ыштя номцси, ьыйряти, ляйоьяти, инсофи, яхлоьи, бяйянды етибори, ядоляти, мярщямяти, щялоля ьязянжи ийян жо мцсбят кейфиййятон гин кардян. Ян дящшятли ыме ки, олимон ве поя ысят чы Хыдоко не, золымонко тарседян, йяни, чы олимятико гядя-гядя бешедян. Мящз ысятняки чямя ъия ым бевяжя зямоня - охорзямони щяхядя Пейьямбяри (сяяв) щяля 1400 сор бянав ъыьо вотяшбе: «... И рцъ боме, бя чымы цммяти зылмкорон рящбяряти бякан; чы цммяти олимон тамякор ийян бетяьво (имонсыз) бябен, дин ходимон дыдим (мцнафиь) бябен; тожирон де сялямчияти мяшьцл бябен ийян бевяжя молон бяняй чоки вырядя бящватен; ъенон чы дынйо зиняти (зяри-зибо) щяхядя фик бякан. Бы деврядя щар гыляй мяжлиси сядя ян бевяжя одямон бяныштен ийян мюминя одямон сядо (хяй-дывон) щички ямясни...» (Бищарял-январ, ж. 23, с. 22).
Бяле, мящз ъыьо гыляй деврядя, ясыл олимон – тяьвалийя инсонон и поя шящид бедян, пояян ысят де щяхсызятион мыборизя кардян...
Бы рисалядя чямя хяльи кали тяьвалийя олимон щяхядя сыбят бяше. Хыдо рящмят быкя академик Зийа Бунйадови, профессор Щейбят Абдуллайеви, Явяз Садыгови ийян жо ьыйрятмандя олимон!..
Явони аз шяхсян чок зынедябим. Явон ыштя вотя сыханон, нывыштяйон сойббин. Зылмкорико нытарся олимонбин. Чявон мизи сяпе Ьырони-Кяримбе. Рцъ нябий ки, явон ын китоби оныкян. Явон ыштя хяльшон, Вятяншон, хыйзоншон де йоля мещиббяти пидяшонбе...
Шяхсян чыми милли шцури ростбемоня роядя няки шящид З. Ящмядзодя тяряфо бинобя милли мыборизя мяктяби, щямян бяпе номышон ашмардябя мярд ийян мердя оли-мон хосиййятон ве ролшон бя...

ШЯЩИД ОЛИМ ЗИЙА МУСА ЗОЯ БУНЙАДЗОДЯ

«Мы толышим, мы озорбойжоныъим, мы бяшярийяти зоям...»
З. М. Бунйадзодя
1991-жи сорядя Озорбойжони Елмон Академийя биноядя бяй доябя «Ышты миллят чиче?» сыволи жявобядя чяй доя ым жявоби я вахти Озорбойжонядя ве одямоныш пеларзынише!..
Совет Иттифоьи ьящрямон, Озорбойжони ЕА витсе-президент, Шяргшцнасяти Институти дырехтор академик З. М. Бунйадзодя 1923-ня сори декабря манги 21-дя Остороядя няняко бя. Дядяш щярбичи бя. Яв поня ясри 20-ня соронядя бя Осторо ряйони бо ко карде омя. Чяй дядя милли мяншя сяще зындяним, ве гуман ки, яв чы Эойчай ряйонико бя. Няняш миллийят урусбя. Янжях ян мараьин ыме ки, Зийа мияллим йа Остороядя няняко бе горя, йаян чяй дядя мяншя толыш бе горя, бяштя толыш воте фяхр язний (Лап выряше, бывотом, ысят Остороядя йаян чямя жо мящолонядя ве зоон щестен ки, дядя-няняшон холис толыше, янжях явон ыштя миллийяти бя щяшя ъяйдян, ыштяни жо милляти евлад щисаб кардян...).
Ямя ща кярям де Зийа мияллими сыбят кардеядя 100% ямин бедябимон ки, яв холис толыше! Бячяй горя ки, холис толыш – бяпе Хыдоко сывой, щич кясико нытарся тяьволийя одям быбу! Яв ъыьо гыляй мердбе. Яв бо Толыши мящоли ийян хяльи горя щеъо норощят ябий.
Поня ясри 90-ня сорон яввялдя, чы Озорбойжони Хяль Жябщя бардя тыркчийяти тяблиьоти вахтядя, «толыш» номи гяте ве йоля щыня бе. Яьям бявядя чы жябщячийон имконшон бябяй, чямя мящоли ийян чяй хяльи лап чы бынико мящв якяйн. 1992-ня сори ийули 16-дя Озорбойжони Дахили Ишляр нозири И. Щямидови рящбяряти ъийо чямя мящолядя бардябя «Субтропик ямялиййоти» бя хяльи ийян бячяй мящоли ве йоля доьыш ъяй. Мыхляс, тыркчийяти-ьулдуря сийосят мяйдон щандябе. Ъыьо гыляй вахтядя, 1992-ня сори ийули 25-дя Бокуядя Толыши Хяльи Партийя I ьурултайи дявордынедябимон. Дийя мякян ки, бя Озорбойжони щяммя рящбярон дявятномя выьандямонбе, янжях чявонядя щич кяс омяныбе. Я вахтон Зийа мияллими ном ве мяшщурбе. Бябе воте ки, яв бя ве ижлосон, мяжлисон няший. Янжях мясеядя ки, машки чямя Толыши фирья иминжи ьурултай бябе, ийян яв бы ьурултай дявят бя, хяйли шобе. Сыре-сыре вотыше: «Нящойят ки, толышон лы-вяйн...»
Машкиня руъи академик Зийа Бунйадов де Бейнялхаль Жярращон иттифоьи цзв, дынйоядя мяшщур олим, профессор Щейбят Абдуллайеви, Озорбойжони ЕА Тарых Ин-ститути дырехтор академик Играр Ялийеви ийян жо йоля олимон, зийалион, депутатон, ъурналистон иврядя бы ьурултай омяйн.
Толыши тарыхядя ининжи кярябе ки, чы хяльи щуьуьон чы девляти сявиййядя мыдофия карде нийятядя бя сийоси фирья бино бедябе. Яве ки, ым ьурултайядя мярузя кардякясон де ве йоля ещтийоти, цмуми милли проблемон чярчивядя гяп ъедябин ки, быдя чы гявонку гыляй сящв, ещтийотсызя сыхан бенышц; охо, чич быкямон, бя вахти (бявядя мятобин, ысят лап гылмятон!) Озорбойжони мяркязи ьязетон чямя щар гыляй сыхани тящриф якяйн ийян ямяни чы Озорбойжони хяльон чяшядя еяьандин. Аз ыштянян ыштя 40 дяьиьяня йоля мярузя де дарзяни щозо кардямбе ки, яйо гыляй нюгсан пяйдо карде нызнон. Дийя мякян ки, чямя фирья щар гыляй цзви ьялбядя «бо толыши мухтариййят сяй» орзц щестбе, янжях бявядя «мухтариййят» сыхани бя зывон варде щялям чы щички щыня ныбе. Нящойят, Зийа мияллими сыханыш пияй. Бявядя аз ряйосят щейятядя ныштябим; сыхани бяй дойядя лып ыштя дылым щарде: фиким карде ки, ысят ымян ещтийотсызяти бяка, ямяни бяняй жябщячийон тяньид бяка – бявоте ки, и тяряфико ермянион, црцсон чямя сяпе рос бян, шымянян ийо толыши проблемон щяхядя гяп ъедяон». Хылося, сыханым дой бяй. Янжях чяй вотяйон бя чымы ын фикрон 180 дяряжя яксбин. Чяй вотяйон и поя бяшмя тяьдым кар-дямон (видеойози): «... Аз щич бя ся дянышим, бя ковря омям?! Ым мяжлис чы Толыши Мядяниййятя мяркязи ижлосе, йа чы толыши хяльи сийоси фирья ьурултайе?! Яьям щяььятян чы фирья мяжлисебц, бявядя чыхыш кардякясон фики бяся дянышим: и кяс вотдя ки, то-лыши зывонядя китоб-дяфтяр ни, и кяс вотдя ки, зывонымон гядя-гядя гин бедя, и кяс вотдя ки, бя толыши мядяниййят мяркязи выря дойдянин, щяни чыбызном чичон вотдя-нин?! И кяс рос бедяни, щяни вотдяни ки, чямя Толыши мящолшон пегордынийя бя Цму-миттифоь бостони, чичшон пидя, яйян кардян: ын бостонядя щар шей каште бя и кяно, щялям чяй вей мящсулонян – памядори, хыйо, кялями, чай, мандярини, лимо ийян жо сярвя-тон лап бя цжцзя ьыймят кырнедян бя Бокц, бя Црцсйяти чан гыляй шящярон, янжях чывря жямат вяшйяне, ыштя моли сойб ни. Щяля чымы мясяйня, чан манге ки, мааш-фылон вин-дянин; и ведря памядор-хыйо бяштя кя варде щяхышон рястяни. Аз бяшмя сывол дойдям: бочи охо ъыгойе?! Ым проблемон щяхядя гяп ъяй лозиме. Я хяль ки, ыштя зямини сойб ни, я хяль ки, 7 гыляй йоля ряйоныш бе-бе, чяй сийоси мухтариййятыш ни, бявядя чяй ком щцьуьи щяхядя сыбят карде бязнемон? Хяль янжях дештя мухтариййяти бя щяьиьи озодяти рясе бязне: бявядя милли зывонядя мяктябон-институтон окарде, китоб-дяфтяр чап карде, теле-радио програмон тяшкил карде ийян жо мядяни проблемон «ыштянбяся» щялл бя-бен».
Чяй ын жясорятиня чыхыш няинки ямяныш- ряйасят щейятядя ныштякясоныш, щятта, чы ьурултай щяммя нумайяндон бя йоля выт-лывемон вардыше: щяммя сяпо яйштин, бябе воте ки, чан дяьиья дястякя ъяшоне. Бяле, чямя ьурултай ко лап дягиш бе: чы тыркон «ач сандыьы, тюк памбыьы», - вотяйня, и поя нцмайяндон лап ыштя дылоншон окарде. Ьурултайядя чы фирья ян сябриня лидеронядя гыляй – Барат Гасымовян И. Щямидовыш чямя мящолядя кардя ьулдуря щярякятон горя лянятлямиш кардыше. Дийя мякя ки, навьурултай яв ыштян ямяни хябядо кардябе ки, бы щяхядя щялям гяп ъяй лозим ни, - охо И. Щямидов нозирбе, чяй одямон чямя ьурултай выло карде язнин...
Мыхляс, ьурултай охоядя ьябул бя ьятномядя нывыштя бе ки, чы фирья гыляй мяьсядян – бо Толыши мящоли сийоси мухтариййят тяляб кардейе. Ямя ыштя вотяйон вотымоне, ыштя дылонмон тяй карде. Янжях машкиня руъи бябе воте ки, щяммя ьязетонян ыштя дылоншон тяй карде: «Азадлыг», «Мцхалифят», «Миллят» ийян жо ьязетон «Беля бир партийайа ещтийаж вармы?» номядя чан гыляй рисалон чап кардяшонбе. Боямя ийян бо академик З. Бунйадови щяни выря оьятяшон ныбе... Бы щяхядя бяй хябя дойядя, яй де сыря-чяккя вотыше ки, «лап шойяти карде лозиме, охо, явон шымяни лап мяшщур кардян. Ысят ко карде лозиме!..»
Бяле, чямя фирья йоля тяяссцбкеш бя академик З. Бунйадови бо чямя хяльийо кардя хыдмятон гин карде ве йоля ношукуряти, лап нодоняти ябий... Яьям ъыьо олимон – яв ийян И. Ялийев нябяйн, - Озорбойжони пантыркчийя «олимон» чямя Озорбойжони тарыхи лап тящриф якяйн. Бы щяхядя дыгля епизодян нывыште пидяме.
И кярям, 1990-ня сори августи 17-дя «Азярбайжан» ьязетядя гыляй пантыркчийя рисаля бешябе. Чяй мцяллифи академик И. Ялийевыш тяньыд кардябе ки, гуйа яв Озорбойжони тарыхи тящриф кардя, нывыштяшбе ки, гуйа Озорбойжон лап чямя ера сыфтяко чы тыркон бя, янжях И. Ялийев гуйа чявон тарыхи бя толышон, удинон ийян жо хяльон ном бекардя. Академик З. Бунйадови бы мяьоля гыляй йоля жявобыш дояшбе. Ямя чяй ын жявобмон я вахтон Мясковядя бешя «Толыш» ьязетиядя (1991, № 5, ийун) дебя охой чап кардямонбе. Яв нывыштябе: «... Ьядимя Албанийядя (ысятня Озорбойжонядя. – Щ. М.) чы 26 гыля тойфя дылядя иглянян быбц тырк бяни. Охо, И. Ялийев чич быкя, яв де зц, де ангыштя ъяй ьядимя Озорбойжонядя тырк бекарде нязники!!!»
Де академик З. Бунйадови баьли гыляй мязяли сыбятиян нывыште пидяме. И кярям, чы Масялли ряйони тарых мияллим – чямя хяльи тарыхи ийян мядяниййяти щявяскор тядьиьатчи М. Мирзяйев омедя бя Бокц, пидяше Елмляр Академийя китобхонядя де кали китобон таныш быбц. Я вахт – 1990-1991-ня соронядя республикядя вязийят ве жидди бе: ща пидяше бя Академийя бино дяшц, кяйбядя мандя милисиянер яй бя дыля щаштяни. Ибердям Мусарза виндя ки, академик З. Бунйадов омедя. Бялкямян бячяй щич щан дяняши ки, яв ымрцъ Озорбойжони ян йоля гыляй олими, сийоси ходими, Академийя витсе-президенти, Шргшцнасяти Институти дырехтори бявинде. Бя вахтон де ъыьо олимон и кялмя гяп ъяй ве одям боштяно фяхр язний. Гиди Мусарза, ым фырсяти фот дойдяни, ъыьо бызын чан сори каня дцстебян, дяштя бя Зийа мияллими кяш ки, «ай Зийа мияллим, чан вахте шымяни бя чяшим, ын милисиянерян мыни бя дыля щаштяни ки, шымяни бывиндом, кали сыбятон быкям». Мыхляс, яв де чяй комяги дяштя бя дыля. Зийа мияллим хябя седя ки, бямы чич воте пидябе, ысят бывот. Мусарза ым вязйяти чяш ныкарде горя, ыштяни гин кардя. Янжях «фырсяте!» вотяйня, ряря бя нав омедя, вотдя ки, «ай Зийа мияллим, аз Масялли ряйонядя тарых мияллими ко кардям, пидяме шымяко гыляй сыволи жявоби омцтом. Шымя чы Бабяки йоля тядьиьатчийон, янжях щич вырядя ячяй милли мяншя щяхядя нывыштянийон. Ысят бямы дцзи бывотян, яв толыш бя йа тырк?!» Фяьыря Зийа мияллим, бялкямян бячяй аьли щич нявой ки, чы Академийя бино дылядя, щар тяряфядя чан гыляй пантыркчийя нязярон бявон еряхя вязйятядя кися бяй ъыьо гыляй елми сывол бядо. Ыштя сяйко карде горя бяй вотдя ки, «зындяним яв толыш бя йа не, янжях тырк бяни!» Мусарза иъян чяйко дас кяштяни; дештя лап холися толышя лящжя хябя сяйдя ки, «бяс яй кон зывонядя гяпыш ъяше?» «Бяшмя незя зывонядя гяпыш ъя»,- Зийа мияллим жявоб дойдя, ыштя жони Мусарза дасо рохнедя. Яв шебяпешт Мусарза виндя ки, чан гыляй тыркя олимон, елми ишчион де ьязяби бяй дийя кардян, явян ыштяни щич гин кардяни, бявон: - «мясяоне, шымя я йоля академики чич вотыше? Йяни де зц Бабяки тырк бемякян! – вотедя, де сырди витдя бяпе – бя китобхоня...
Аз ым рисалядя академик З. Бунйадови де чямя хяльи ангылбя сящнон гыляй гядя поя тясвир кардыме. Чяй тядьиьатон щяхядя Мясковядя бешя «Талышский вестник» ьязетядя (2002, № 8) ятрофиня мялумат доя бя.
1997-ня сори февраля мангядя чямя мяся мцдщишя хябя и милйон ним толыши, чы дынйо милйон-милйон одямон дылоныш лорзынише: ым 75 синядя сипиришя олим чы коо бя кя омеядя, чяй кяй тоно бяй ьятл кардшонбе. Бя ым мубарякя пиямерди росбя я сохя дастон, я мялуня одямон, я золымон, шцбщя кардянимон ки, иншалла, бя Хыдо лянят бо-мен!
Бяле, ясл тяьвалийя олим бя З. Бунйадов бя золымя инсонон, бя золымя подшон дим ыштя дыли сыхани воте горя, йяни, чы Пейьямбяри (сяяв) вотяйня, - жищод карде горя, - шящид бе! Хыдо яй рящмят быкя! Чяй ьяби де нури пур быкя! Амин! Ямянян Имам Щцсейни шящид беядя вотя ым дывон тякрор кардямон: «Йа Ряббим, чы зылмкори нясли быбыр! Гыляй-гыляй явони бя жящянным васил быкя! Зямини чявонко тямиз быкя! Бя чо-кя одямон ьялябя быдя ки, явон чямя интиьоми чы зылмкоронко сяй бызнон!» Амин!
Бя шяйтони хыдмят кардя золымя инсонон ъыьо зынедян ки, де террори комяьяти явон ящли имони, тяьвалийя олимон,мерд ийян мярдон торсоне бязнен. Янжях хябяшон ни ки, чы академик З. Бунйадови ийян профессор В. Мяммядялийеви тяржцмя кардябя Ьырони-Кярими «ял-Имран» 175-ня айядя ъыьо гыляй ныьыля мяна щесте: «Ей имон вардякясон! Шымяни янжях шяйтон дыштя дцстон – бяшмя дышмен бякясон зцй торсоне бязне вя бяшмя ьялби тарс дяьанде бязне. Чявонку щич тарсе лозим ни! Игля Хыдоко бы-тарсянян!»
И поя золымя кофирон ъыьо зынедян ки, явон де дяво-дарзяни зц щяля ве бяъийен, ве кефон бякан, янжях хябяшон ни ки. Хыдаванди-алям щяминя суря 178-ня айядя вотдя: «Быдя кофирон бявон доябя де дырозя цмцрц ийян чокя ъимони фяхр ныкян. Бявон дырозя цмцр бячяй горя доя бедя ки, явон чы гынон чырки дылядя иткямян ве быбун ки, бявоно щозобя я дящшятиня жязон лойиь быбун». Амин!