Tолыши адабиjjат

Tолыши адабиjjат

ЯСЯДИ ШАЩЛАР

ЖОЯТИ
(щекойя)

Иминжи кяря бе ки, явон ъыго дырозя вахт и йяндышон виндя ныбе. И манг яби ки, явон чы и йянды жо бябин: Щужжят бя ряйон - ыштя пыя-моя тоно шябе. Охыня ды сорядя иминжи кяря бе ки, яв бяштя пыя-моя гынеро чы шящяро бешябе. Щужжят ыштя пыя-моя чы йодо бекардя зоя ныбе. Янжях ъыго ди бя ряйон ше сябябян жо шей бе...
Се сорися ве бе ки. Щужжят ды доктор Ьядыри киня Сумнози и йяндышон пидябе. Мийоня мяктяби ся карде бяпешт Щужжяти ыштя сянядоныш бя Беларусийа Политехник институтыш дой. Ьябулян бе. Бо дярсон бино бе се-чо рцъ мандя бе ки...
- Щужжят, баля быманд щяля.
Сядо чы щамсийя ъени сядо бе. Щужжят бя сядо омя тяряф гарде. Ыштя почя дасядя бя чанг ъя Гулсымя халя бя чяй тяряф омедябе.
- Быманд щяля, баля. Винде? Ымян чы Лейли-Мяжнуняти охе. Бяты, йа бя Расимим чан кяря вотыме?
Щужжят зындябе ки, чы Гулсымя щовя зоя Расимян Сумнозыш пидя. Янжях Гулсымя халя чичыш воте пидяшбе?
- Чич бя, Гулсымя халя? Чы охе, чы Лейли-Мяжнун?
- А, зындяниш? Чы дохтор Ьядыри киняшон дой бя сявхози дырехтори зоя. Аз бяшмя вотедяныбим ки, бя речинон етибо ни? Росте, вотедян, я киня гядяй норозиятиш кардя. Янжях чы милйонон вядя кон киня ноз бяка?..
Пеъо Щужжят бо Сумнози ве нявябе. Чичыш кардябе, явыш винде зыня ныбе. Охеядя ды Сумнози незя щямро бя амукиняш бя чявон кяш выьандяшбе. Амукиня оме бядигя вотяшбе:
-Щужжят, яй чы йодо бекя. Яв ве бебяфойебян... Щич зынедяш, яй бямы чичыш воте? Вотыше ки, аз Щужжят-мцжжят зынедяним. Аз дяй ыштя руъи хош дявонедябим.
Пешо ыми Щужжят чы дийо бешя бе. Кяо бешеядя вотяшбе ки, аз бя Урсийят, бо ко карде шедям. Институти шобядом. Ясыл щяьиьятядя Щужжят жеъо бя Минск шябе - бя институт. Янжях фикрыш кардябе ки, бя ди и кярян ды-се сори бядигя боме - ын коон чы йодо беше бядигя...
...Еся ымруъ, сентйабри 1-дя, Щужжят ряйоно оме бяпешт бя дярс, щямян бо Фяридя винде шедябе. Фяридя ийо дяй и вырядя щандедябе. Янжях яв щеъо ийо - Минскядя ъидябе. Яв дыштя пыя-моя, щяля Фяридя яьыл беядя бя Минск кучышон кардябе. Ын кучян ды ячяй пыя Мцслими кой ялаьядорбе. Ячяй пыяян дохторбе. Бявядя Минскядя тоъя чяши биморхоня дохтор выьандяшонбе. Чя вахтику явон ийо ъийедябин.
Пешо ыми фяляки бя Фяридя ся тикяйян чятиня кош вардябе: се сор чыми бянав, Фяридя даминжи синифядя щандеядя, чяй пыя-моя машиня ьязо ьыбон бябин. Чя руъику Фяридя жолиня мандябе.
Институтядя и йянды зыне бядигя чявон арядя бяркя дцстяти бя мещиббят пегардябе. Щужжят щисс кардябе ки, Фяридя ыштя умыш игля бяйыш дябастя.
Янжях чы Щужжяти ды сор бя ди нышеку Фяридя ве норощятбе. Ше-ше, ща тятилядя чы Щужжяти бя ди ныше щяхядя вардя бящонон ыштя ящямиййятыш гин карде вя ымсорня товсони тятилядя Щужжят бя ди ше мяжбур бе...
Вуй, иня бяшты омя роон ьыбон, ща Щужжята! Одямян ыштя пыя-моя чы йодо бебяка?
Халидя иня ыштя дастоныш бя Щужжяти гиш шыдой, чяй димоныш мач карде:
-Баля, чямя чяши сийо ше ышты рой чяш карде-карде. Ъыго зояти бябе? Ъыго киня пийе бябе? Щич гыляй хябяян кардяниш. Ямя щич, бя я киня бябол ни?!
-Кон киня, иня?
-Сумнози вотедямяни, баля.
Чы Халидя иня сыхано мялум бе ки, Сумнози пеш Щужжяти ше ыштя нышоныш бя думо огырдынйяше. «Сывой Щужжяти бя щич ки яшыним», - вотяше.
-Бяс бявядя амукиня бямыш воте ки...
-Не, баля, амукиня бявядя явыш виндяныбе. Чы Сумнози моя явыш бя кя щаштяш ныбе. Яве ки, яьыли ды чымы хощиши бяты душ вотябе.
-Бяс шымя нызняй ки, аз институти шонибядом? Бямы гыляй хябя якяйшоняни, иня.
-Ща баля, ямя щеъо ъыгоян зынедябимон. Янжях пеш ышты ше Гулсымя ряря-ряря бя Минск бя алвер шедя. Щеъо есятян вяйой. Бявядя и кяря мы бяйым воте ки, бяты бывоты. Оме бядигя вотыше ки, ты, щяьыьятян, институты шыдоя.
Щужжят бя фик ше. Чяй мазгядя чы одямон хяйолон и йяндышон явяз карде - чы Сумнози, чы Фяридя, чы Гулсымя, чы Расими, чы...
...Щужжят ыштя умрядя ъыго чятиня сыволи вядя мандяныбе: Сумноз йа Фяридя? Хяйли фик карде бяпешт бы нятижя омяй ки, яв Фяридя шыдой языни. Чы журя быбуян, яв ве язобоныш кяшя. Бы нятижя оме щостон ныбе. Янжях чы Щужжяти фик гяти бе.
...Сумнози ын сыханон мясеку се руъ дяварде, Расими елчийон бя кя ды шоя хябя огардин...
...Еся, ымруъ, сентйабри 1-дя, Щужжят бя институт ше-ше ын фикрон кардябе. Ялбяття, бо Сумнози тяяссуфыш зуманд бе, янжях еся яв чы Сумнозику ве Фяридя щяхядя бя фикир бе: «Йяьын, Фяридя бы хябя ъягоян шо ябыни. Чокняй быбуян, яв мыни мязяммят бяка. Янжях аз щяхя роядям».
Щужжят ды фикрон бя аудиторийа рясяй. Бя дыля дяшеядя, чяшоныш бяней сящрадя бо ови нявякяси бо Фяридя нявяй. Янжях Фяридя омя ныбе...
Щяля се-чо руъи бядигя, Щужжят дыштя тялябя щямрон чы Фяридя институти шыдой, бя намялумя выря куч карде щяхядя бямясен...
Щяля и сори бядигя, Щужжят омя тятилядя бя ди шеядя Гулсымя халя бяй гыляй мяктуб бядо. Я мяктуб Щужжяти чы Фяридя щяхядя зыня охыня хябя бябе:
«Щужжят, ты чок зынедябиш ки, мы тыным чаня пидябе. Янжях, вотедян, ты ыштя вотяй бывот, биням фяляк чич вотедя. Ща, Щужжят жо шей вотедяйбян.
Мы бя Гулсымя халя тясадуфян, выъорядя раст омяйм. Ячяй шымя дику бе зыне бяпешт, явым бя кям варде. Мы чяйку ышты бя ряйон ныше сябябым умыте пидямбе. Янжях яй ыштян Сумноз номядя гыляй киня щяхядя сыханыш карде...
...Ялбяття, мы тыни зыне щяхядя бяйым щичи нывотыме. Пешо хяйли фикрым карде, бы нятижя омяйм ки, аз шымя арядя бешум чоке. Янжях чокняй? Ща руъ вябявя оме-оме, ямя и йянды чокняй чы йодо беякяймон? Яве ки, аз ышты ъимоно шедям. Мыни мяняв. Хошбяхт быби. Фяридя.

ЯЛИ НАСИР

ОРОХЫН

Росбин щямя хяльон, чямя
миллятдя щявяс ни.
Мердон дылядя шаири имдод
яряс ни.

Леф, сянго, килим, холчя,
пялосян бя жящянным,
Щышкя тымонян бешдя чы
дасо, явяз ни.

Чяш виндя, дылым сутдя,
евяшдя, кыве мярдон?
Тиъин гушядя, бяс бочи ым
дарди ямяс ни?

Оьойе шявы-руъ ьялямым
гардя, нывыштя.
Виронядя олим пуре, яммо
ки дяряс ни.

Амбу бярясе вахтядя
ей шаири пурьям.
Зиндон ботыно чан кяря
хоня бе, вяс ни?

Насир, бяболин кядяки
яьлон щяни вясе.
Вясе, орохын, ышты китоби
щандякяс ни!

САФТАР

МЕРД БЫБАНАН ДЫШТА НОМИ

Бымас, толыш, бымяс ыми,
Сындындяйон дыли сими.
Окардедям ын тилсими,
Мерд быбянян дыштя номи!

Ьапаз бяся бямон ямя,
«Донзя бе ся» бямон «сямя».
Сяонсямон щысте ьямя
Ов гыледя дыштя воми,
Мерд быбянян дыштя номи!

Няшяшон дой бя яьылон,
Пцчяся бян щырдон-йолон.
Бя тор дяшин бяня «солон»
Бобя мякян бяня хоми,
Мерд быбянян дыштя номи!

Дарзян яъян, яряь быъян,
Няшяхорон ыштя бешян.
Бя исломи лякя мяъян
Мябян воня бо явоми,
Мерд быбянян дыштя номи!

Хугярышон кардя дямон,
Мыннятымон кардя зямон.
Додянин бя йоли ямон
Жигяришон бяня шоми,
Мерд быбянян дыштя номи!

Толшя шеерон бащандянян,
Боштяно чол мякандянян.
Бой бя дцмо мямандянян
Дцст быьятян ыштя ьоми,
Мерд быбянян дыштя номи!

Ня тыркимон - тыркон тяки,
Ня фарсимон - фарсон тяки.
Сямон гятя тарсон тяки
Кязимон ноя бяня чыми,
Мерд быбянян дыштя номи!

Мы Сяфтярим, синям пцре,
Чымы сыхан зяре, дцре.
Толыш чымы чяши нцре,
Озорбойжон - чямя Вятян,
Чямя мерыс, чямя кяфян,
Ямянимон чявряй хыванд,
Сяйсыьымон Толышябанд,
Толыш бызнян ыштя ьовми,
Мерд быбян ды Толшя номи!