ТОЛЫШИ ЗООН ЬЕЙРЯТМАНДИН

Чымы балон! Зындяним йаш бямы зц омедя йа чиче, щярдям ыштян-бяштя ясяби бедям, насаза вотдям, ныштям, фикир кардям ки, бочи чямя кали толышон бячямя хяльи дардон, бячяй проблемон яхядя бигонян. Гыляй «Толыши сядо»йе, мангядя-сорядя и кяря бешедя, «Талышский вестник» щестмонбе, щич чяйко хябя-ятя ни, «Толыш»янки бешя бя жейрани пешт, вахти-вахтядя пяйдо карде бедяни ки, щич ныбц ыштя нывыштяйон щанде бызнямон! Фикир кардям, Илащи, одями чангля дардыш бябе?! Дард бябе и гля, ды гля, щяни са гля не ки! Дард кяшдяш ки, ахчя ни, яьылон гязетон вахти-вахтядя бекарде зындянин. Ягяр ым зящриморя ахчя быбц, шцкцр бя Хыдо, жощилонмон щяммяй сяводинин, истедодинин, вахтядя бебякан ым гязетон, ямянян бяныштемон Толыши амбцря дой согнядя, ыштя няня зывонядя шин-шини бащандемон чямя хяльи торыхи, чяй ядябиййоти; чокя няьылон, шеерон, бойатийон обямцтемон бяштя хося нявон-нятижон! Ым игля дард... Бывотямон ки, быми сябяб чямя ярбобонин ки, ыштя моликц, ахчякц, бизнесикц (пийяме бынывоштом «вязифякц», бя йодым омяй ки, бы мямлякятядя ъяго йоля вязифядя коякя толыш щяни бя сипийя кцмяйъя огардя, йяни мандяни) ийян чыбызном чичикц тарседян, яве бя гязетон комяг кардянин (щярчянд, шцбщям ни ки, чявон дылядя ъыго ьейрятмандя зоон щестин ки, бо толыши дылшон шедя, янжях зындян ки, бя толыши гязетон и копцк комяг быкон, чыми «дийявцл» ряря бебяше, яве тарседян. Ялбяття, мы бявон бы щярякяти горя бяроят дойдяним, яммо, чич быкям, кыште языним ки...).
Гыляйян йоля дард яве ки, бешя гязетонядя бя толыши нывыштябя нцйя материалон лап камин. Бяс быми сябяб чиче? Иъянян тарс! Виндяъ кали пятйоря сипришон дод-ямон кардян ки, баляма, ямони рцъе, чямя номон гязетядя мягятян, шяйтони идаря ишчийон ямяни тоснедян! Яши, бябяйн нцперяс, явотим щяйфин, ъимоншон бянаве. Ямя чичикц тарседямон, ай чымы тай-тцшон?! Хыдо ямяныш офяйя бо марде. Ыштя хяльи роядя бымардомон, тикян чок, рящмят бывотмон ве бябе! Йяни Зцлфцьарися йоля мердимон?! Ым органон ки, шымяни ванг кардян, зындяним бочи вите-вите шедяшон бя чявон ьябул? Тяляб быкян, быдя сяняд быьандын де почти, нцмря-пичятыш быбц, бявядя бышян, гцш быдянян чич вотдян бяшмя, ыштя жявоби быдян. Хябя быстянян ки, ай хянихяробон, чичон пидя чямя жони?! Жо гяп быъянон бяшмя, щямон я пичятиня сяняди быдян бя мящкямя, явян мящял ныно, быьандян бя Авропа мящкямя. Шык бя Хыдо, бо жяматиро ым кой чямя щырдянон бя выря роснедян, бяшмя чич бя?
Мявот, чыми сябяб чямя ыштян жонядяй. Тося кейня бятарсемон? Йашиня мердонмон щесте ки, чандя сорон бя толыши нывыштябин, ысят бяня «чашмя кцбя щони» кц бян. Бялкя фик кардян ки, чявон кардя ъимон ъимоне? Хяйр, чымы бойлион, я одям ки, ыштя няня зывонядя ыштя дылипияй воте-нывыште-щанде зындяни, ячяй ъийе чы сямяряш щесте?!
Йяни вотдям, толыши ща ряйонядя 50-60 гля сипириш гырдя бе зындянин, шедянин бя ряйони йоли тоно, бяй воте зындянин ки, ай фылонкяс, бочи щашдянишон жямат ым «Толыш» гязети ращат бащандо? Ым толыш шымя дастядя чы вираноо кцч быкя бягям?! Беяйян шымя кардя йолйяти бы выряш вардя роснийя ки, Толышядя жощил-жящил мандяни, щяммяй кцч кардяшоне бя Црцсйят! Мандякяс ым пи-пышке, бявонян чяш додяшон, «Толыш»и щанде имкон додянишон!
Ъыго дийя кардям, гыно щеъо чямя сипиришонядяй! Бявонкц хябя сяй пидяме ки, чямя бобон боямя ым Толыши мящол, Толыши зывон ийян мысылмончиятишон огяте, шин, бяс ямя боштя нявя-нятижон чич огятдямон?! Бяс чямя нявя-нятижон нибявотен ки, кыве я Вятян, кыве я зывон?!
Бя чямя сипиришон дийя кардеядя, иъян Хыдо бя чямя ьейрятиня зоон бярякят быдя! Яши, явонян бянябяйн, ве вахтбе ыся толыш ныбе дынйо димядя! Явон де щязо тарсы-ларзы, шяхтядя-гамядя копук-гуруш ьязянж кардян ки, ыштя хызони ийян пи-пышкиро нцня пцл быкян. Чявядян жо кардян, дойдян ки, толыши зывонядя щич ныбц, гыляй гязет бешц! Яве, чымы балон, Хыдоку орзуме ки, ъяго ьейрятмандя зоон сай ве, чявон жони сяломят, кооншян ованд быкя. Чаня чявон жон сяломяте, толыш бяъийе!