Кали кярям ъыго фик кардям ки, яьям чы толыши хяльи миллийя мядянийяти инкишоф кардейо лап иткян быбц тарыхи ийян ижтимои-сийоси шяраит бябяй, ысят чы милляти чан гыляй йоля шаир-янвыштон, ижтимои-сийоси ходимон, тарыхчи-филолог алимон, ъурналистон ийян жо истедодиня шяхсон бя мяйдон беяший...
Поня ясри 30-ня соронядя, жями 5-6 сори дылядя З. Ящмядзодя, М. Нясирли, Г. Ялякбярли, И. Абдуллайев, Ш. Таьызадя, бывя Мцрсяловон ийян жо йоля шяхсиййятон бя мяйдон бешин ки, чявон рящбяряти ъийо толыши зывонядя 500-ко вей китоб, ьязет ийян жо рисалон дярж бе. Де тяхмини щисоб кардеядя, виндяш ки, бя ща 4-5 рцъи гыляй чапбя ясяр егынедя. Ысят дийякян, я одямон де ком щявяси ко кардяшоне, де ком щявяси бяняй «Робинзон Крузо», «Гулливери мажярон» ийян жо-жо йоля ясярон ве кыртя вахтядя бя толыши пегордынйяшоне ийян чап кардяшоне; бялкямян чявон ве тадибе сябяб тарыхи фырсятико истифадя карде, ийян бямя - ымрцъняйо ыштя бинокардя милли сярвятон росне бе ки, ямянян пешо ым ирсон дявом карде бызнямон. Хыдо явони рящмят быкя, чявон ьяби де нцри пцр быкя, чявон гынон быбахшо! Амин!
1989-ня сорико ростбя толыши щярякот чя рящмятдиьон бинокардя ро дявом каше: чямя хяльи чан гыляй шаир-янвышт, алим, тядьиьатчи, ъурналист ийян жо нцмайяндон бя мяйдон бешин. Дышменон чямя сядо нышанде горя бя щар гыляй вариантон даст быьандонян, щяни овяйзи вяй гяте мцмкцн ныбе! Ым дявардя 9 сори мыддятядя чямя сядо де зц, де зиндонон, де Сибирон, де тящьирон, де шантаъон, де терророн, щяни чы бызном де щязо-щязо шяйтоня методон нышанде иткян быбц наил бин... Янжях хяйрыш ни!!! Я бядбяхтон бяся дяшдянин ки, инсонон зылми ъийо оьяте нибябе!
Каня ССРИ бя республикон выло бе. Янжях ым республиконядя, мясялян, Озорбойжонядя иъян де каня методон - «игля хяль - игля миллят - игля зывон» методи шедян, щяни фик кардянин ки, и милйон нимися ве бя хяльи щич ныбц иткян быбц милли щцьуьош щесте, бы хяльи щцрмят карде лозиме...
Шцкцр бя Хыдо ки, мцнтязямян ныбц, ысят чямя «Толыши сядо», «Талышский вестник» ийян «Толыш» номядя сегля ьязетмон бешедя. Бябе воте ки, «Толыши сядо» ьязети ысят йоля сявйядя бешдя. Бы роядя ьязети ийян Толыши мядяниййяти мяркязи рящбярон - Н. Мяммядови ийян С. Ясядуллайеви хыдмят щядсызе... Црцсйятядя бешя «Толыш» ижтимои-сийоси ьязете, хяльи ъимони щар сащя ящотя карде ниййятядяй... Ым ьязет Вятянико мяжбури дидяргин егынйя толыши диаспори ьязете вя бябе воте ки. чы Црцсйяти - Мурманскико гятя де бя Владивястоки, щар гыляй кычядя, Белорусийадя, Украйнядя, Казахыстанядя, Полшада, Щолландийядя, Алманийядя, Иронядя, Тцркийядя ийян жо-жо мямялякятонядя бахш бедя. Ве-ве яфсцс быбц ки, ым ьязет бя чямя Вятян - Озорбойжон де жцзи тираъи шедя. Сябябышян ыме ки, «Толыш»и ном яйо ве бядноме. Дышменон ым ьязети номи мясеядя, ъыго бызын, чявон дядя гцри сцтдян! Яве ки, бы ьязетядя чямя милляти шаир-янвыштон ийян жо номиня евладон щяхядя материалон де ещтийоти нывыштямон ки, бявон язйят ныдян. Охо чич быкямон, миллятшон бя рцъ нояшоне ки, щар диядя, чы Я. Насири вотяйня, чан гыляй «боря дцмон - лцсон» бя мяйдон бешян! Явонян «Толыш»и виндяжяьын, шедян ыштя шяйтоня шефи тонико ки, бяй «мыъдявони» быдя ки, «бяс, ай шеф, «Толыш»ядя чы фылонкяси щяхядя рисаля бешя...» Хыдо ыштян бя милляти рящм быкя!
Иъян ъыго, яьям бя нязя быстянямон ки, чямя ьязети 90% жо мямлякятонядя бахш бедя, бя ьярор омямон ки, быдя чявон щяхядя нывыштябя материалон дявом быбо... Быдя чямя я толышон бызнон ки, чы хяльи чангляй ьейрятиня, мярдя зояш щесе ки, явон ыштя хяльи роядя бя щар жцря язоб-язйяти, чятиняти бяняй мерди тов вардян; быдя я толышон бызнон ки, и поя ярбобя толышон боштя кефийо щязо-щязо долларон сярф кардеядя, вятянпия ийян миллятпия зоон-кинон мяжбурин ки, де косибяти, дыштя камя ьязянжи щисоб ьязет-китобон чап быкян...
Хыдо ыштян щар шей виндя, вя иншалла, бя щар кяси ямяли Яв и рцъ ыштя ьыймяти бядо! Амин!

ЧАНЯ СЯРХАН ЩЕСТЕ ЧЯМЯ
ЩИЧ БЕОВАНД НИМОН ЯМЯ!


1993-ня сори ийун-ийуля мангбе. И кярям де чямя милляти ьейрятмандя зоя, Озорбойжони Хяльон Бярабяряти партийя лидеронядя бя хяльи сипириши Сярхан Ясгярови гыляй ди чайханядя ныштябимон. Гыляй пиямерди чяйко де мараьи хябяш се ки, «Ай Сярхан мцяллим, ым мухтарийят ки вотдян, яв бячямя чичи лозиме? Яв бямя чич бядо?
Сярхан мцяллим де ве йоля сябри и ьуртум чай пешомеко пеш сяш педой бя пиямерди тяряф, вотыше: «Ай мамц, ай толышон, бяшмя ся чавом, шымя бямы бывотян, Црцсйятядя - Гафгазядя ъия ингуш номядя милляти ном мясяоне, йа не?
- Ща, мясямоне.
- Ща бяшмя ся чявом, мясяоне ки, явон чы толышонко 5-6 кярям камин, янжях ыштя давлятышон, давляти президентышон, ыштя зывонядя мяктяб-институтышон, радио-телевизийяшон щесе?
- Ща, мясямоне.
- Ай бяшмя гири ьыбон, мясяоне ки, Црцсйяти щцкцмят ыштян бявон комяг кардя ки, явон ыштя хяльи мядянийяти рост быкян?! Мясяоне ки, чан тяряфядя христианон бе-бе, явон ыштя мысылмоняти лап чямясян чок огятдян?!
- Мясямоне.
- Ща зоя, ща чямя сипиришон, ща чямя толышон, ысят шымя ыштян бывотян, бя игуши бябе, дыгцши бябе, сегцши бябе, бяс бя толыши щяроме ки, боштяно гыляй кя-бя быдцто, чяй сойбян яв ыштян быбц?! Ай бяшмя ся чявом, ямя бягям чы Озорбойжонико жо бе пидямоне?! Ысят шымя ыштян бывотянян, мухтарийят чиче вя бя мухтарийят щяхымон щесе йа не?!
- Ща щесе!..»
Ым диалоги бямы яня лязят дояшбе ки, ысятян чы мухтарийятико сыхан егынйядя чы Сярхан мцяллими «игцш, дыгцш, сегцши» мясяля бя йод дяьандям. Сярхан мцяллими «Ахшам» ийян «Толыши сядо» гязетядя бешя нывыштяйон щандеядя бя Хыдо шцкцр кардям ки, 93-ня сори августядя Ланконядя бя щодисон явыш арыште зыняшни! Иъян щяминя дипломат, щяминя лидер, щяминя сойя инсон, щяминя ьейрятманде...
Яв «Ахшам»ядя бешя гыляй очеркядя ща сор августя мангядя Озорбойжони телевизийадя нишо доябя «Сийо йаря» програми-шоу навко щозобя просеси чыркиняти де ве йоля цстояти бя мяйдон бекардя. Шцбщя ни ки, ым програми щозо кардякясон ийян чявон пештядя мандя одямон 100% бя шяйтони хыдмят кардян. Сийо йарян чявон ьядимя - дядя-бобо нохяшятийе; охо толышонко щич вахт сийо йаря бяни. Бя чяй горя ки, чямя хяль де щони-рц пцрбя бандонядя, ийян Каспи дыйо кяноядя щеъо дяныштя, ыштя сцфияти (покяти) огятяше. Ысят бой, я фяьырон щеъо чы дашты-сящро, чы гарди дылядя йолбя сийо йарян... Щар чи... (Бы сыханон горя Хыдо мыни быбахшо!!!)
Сярхан мцяллими «Толыши сядо»ядя (№ 2 (55)) бешя «Чямя нянон» очерки щандеядя пурьыбо бим: чымынян пия няня (Хыдо яй рящмят быкя!) манде чымы чяши вядя. Сярхан мцяллими вотяйня, явян «ыштя мийоня шоли кяшядя тикяй шей беякяй, ядяй бямы, я тикя бомоно ъыго шин ябий ки. щяни чич бывотом». Чымы нянян, чы Сярхан мцяллими нывыштяйня, чямя хяльи щяйо-абрц, ьейряти, номцси, адят-янянон око доя гыляй символ бе... Яв тамамиля щяхлийе ки, бо толышон «няня» мяфщум ве мыьяддясе, бя иня, додо, щовя, вяйц доябя щцрмятиня номе... Чямя адят-янянон огятякясонян явонин. Хыдо явони бямя ве нызно! Амин!
Янжях Сярхан мцяллим ыштя зярфятикоян дас кяшдяни. Яв «Навко, ыся» («Толыши сядо», № 4 (57)) ийян «Сябарзоней-гцрбягцряти» («Толыши сядо», № 5 (58)) очерконядя иткям бя дцмо шедя, чяй сыханонко ъыго бешдя ки, мердон щяьиьятян бя ыштя ъенон навко яня язйятон дояшоне ки, яве ысят кали ъенон бяштя шцон «мцщарибя» еланошон кардя...
Сярхан мцяллими нывыштяйон дылядя «Беованди ангыштя» («Толыши сядо», № 7 (60)) очерк чы ысятня жямйяти «щоким миллятчия» сийосяти чыркиняти де ве йоля цстояти бя мяйдон бекардя: «Шявы-рцъ чямя дцмо зырно ъедян. Бямя и щязо ном-лякя нойдян. Чы хяльи ся-гцши пцр кардедян. И гыля сыхани бя са выря роснедян. Ды рой ямяни йяндыку жо кардедян. Щич нийядя бя чямя сяй ов гылвонидян. Бя чямя ся нымандя мцсибятон вардедян. Чямя рцъи бя сийо пялц тыки дяваседян. Чяш дойдян, рцшня дойдянин. Чиче, чиче, ямя бяшдя «беованд» вотедямон».
Сярхан мцяллими бя ся дяше щич чятин ни! Иткям, лап иткям милли шцур бе кифойяте ки, ым сиприши дылико бешя отяши бывиндош ийян дярк быкяш!
Яв чы зямоня одям ни, чы зямоняко са-дыса сор навядя шя инсоне! Хыдо бяй комяг быбц! Амин!

ЩЯКИМ, НАТИЬ, ДИПЛОМАТЕ,
ЧЯ АЛИМИ НОМ БАРАТЕ!


Доктор Барат Гасымов Толыш Хяль щярякоти бино ноякясонядяй. Озорбойжони Хяльон Бяробяряти партийя (Толышя хялья партийя) сядри мцавин, Толыши тарыхи, мядянийяти, етнографийа мяркязи сядре ( мяркязи сядри мцавин чямя хяльи ьейрятмандя зоя Сабир Щцсейнове!).
Чымы де доктори виндемон бя 1990-ня сори яввяли тясадцф кардя. Бявядя яв Ланкони шящяри яьлон поликлиника мцдир бе. Чяй рящбяряти ъийо ОХБП Ланкони комитя чы партийя ян зцмандя шюбя бе. (Ысятян зцманде!!!)
1993-ня сори августя манги щодисон бяпештя бя чяй ся омя зылмон яй мярди-мярданя тов вардыше. Дышменон ве пияшоне ки, яй мянян барышдын. Янжях нызняшоне, бя чяй горя ки, Хыдо щесте, яв щяхи бя нощяхи ьыбон дой ящаштни!
Б. Гасымов бо чямя хяльийо йоля феномене. Яв няинки ыштя хяльи мядянийяти, тарыхи омцте роядя щявяскоре, яв щямян чы дынйо, Авропа сивилизасийя щяхядя де саатон гяп ъеко си ябыни! Ясыл сянятыш щяким бя ым истедодиня шяхс щямян натиье, дипломате! Аз иминжи кярям, 9 сор бяпештя, гыляй сыри окардям ки, мящз 1993-ня сори ийуля мангядя ОХБП Ланкони комитядя бя кали тяшкилоти дягешятон ясас мяьсяд ъыго гыляй шяхсиййяти и мыддят сийосяти чыркиня щяняконко дийяро оьятебе, охо яв бячямя хяльи бо машкиня рцъон ве лозимбя гыляй инсоне!!! Иншалла, и рцъ ве-ве щяьыьятон мялцм бябен!!!
Толыши милли-мядяни инкишоф карде роядя чяй хыдмят явязсызе. Яв щеъо бо ьейрятмандя, истедодиня толышон яняви, явони бя мяйдон бекардеядя бяняй яьыли шой-войяти якяй.
И кярям, 1992-ня сори охойядя бямя хябяш дой ки, Жялилабадядя бя толышя дионядя ве истедодиня яьылон ъийдян. Чявон дылядя гыляйни Нофтлуь ди сокин, Ланкони университети тялябя Нуряддин Рящимов бе. Доктори ым «виндяй» щяьиьятян йоля милли сярвят бе. Нуряддин ыштя няня зывонядя нывыштябя шеерон щандеядя ямя бя чяй истедоди мятял мандимон (Иншалла чяй щяхядя ьязети омя нцмронядя бянывыштемон). Ве япимоне ки, доктор иъян чы Нуряддини щяхядя тоъя хябон бямя быросно.
Б. Гасымов ыштя ахтарышонко дас кяшяшни. Мящз Ланкони ийян жо ряйонон чан гыляй йоля шаир-янвышти ийян жо номиня зоон-кинон бя мяйдон бекарде чяй хыдмяте.
Ым незонядя «Толыши сядо» гязетядя (№ 4 (57)) дярж бя очерк чяй пяйдо кардя тоъя хязиня - чямя хяльи ьейрятмандя зоя Мирщейдяр Велядиъи щяхядяй. Ым очеркядя яв чы Мирщейдяр мамц толыши зывонядя нывыштя шиня шеери бямя роснедя.
Чяй шаир Я. Мухтари (Хыдо яй рящмят быкя!) щяхядя нывыштяйон («Толыши сядо», № 6 (59)) бе щяйяжон щанде бедяни, ъыго бызын, доктор Б. Гасымов ым очерки бо милляти бяме-бяме ийян чяй йоля иткийо сцте-сцте нывыштяше.
Ьязети щяминя нцмрядя чы толыши фолклори «ялолям» ресяйня мащнеон щяхядя ийян охоня нцмрядя бешя «Талыш ядяби дили проблеминя даир» рисалонян ве актуал мевзийе. Охоня рисалядя чяй рост кардя проблемон и поя чямя хяльи ьейрятиня зоя, рящмятдиг Явяз Садыхови ым незонядя няшрбя «Талыш дилинин грамматикасы» китобядя якс бя! Ым китоб чямя и поя ьейрятмандя зоон ве йоля хыдмяти нятижядя Црцсйятядя чап бя. Иншалла, ым незонядя чямя щяммя толышя дион мяктябон ым китоби щядиййя бястен...
Хыдо бя доктор Б. Гасымови чяй гятя чятин, янжях шяряфиня, сявобя роядя комяг быбц! Амин!
Фырсяткян, бя кали ьейрятиня ярбобя толышон мырожият кардямон: «Ей ьейряткяшон! Яьям пидян ки, шымя яьлон тырк, црцс, йящуди йаян бя жо милляти яьлон пеныгардон, йаян ки, бявонро нокя ныбцн, бя «Толыши сядо» гязети ийян Толыши торых, мядянийят, етнографийя мяркяз ыштя мали ийян мяняви комяги быкянян ки, быдя явон ко карде бызнон! Ща кярям шымя ро бя Ланкон егынийядя бя доктор Б. Гасымови гынеко хяжолят мякяшян! Хыдаванди-алям бяшмя комяг быбц!!!»