ЯЛИ НАСИР

ЧЫМЫ ВОТЯЙ БЕ, ЙА НЫБЕ?!

Миллят щеъо щямонкийе,
Жо милляти гынош нийе.
Бяты вотямбе, ай боли,
Чы бори «дцм» чямянкийе.
Боштяно кандямон чоли.
Бяс бочи йаря ба ныбе?
Чымы вотяй бе, йа ныбе?!

Чы милляти кцмяш гыня
Обод бянин ни ым рыня
Рясяйш ийе, щязо коли
Мохтар бе ни ячяй щыня
Бяты вотямбе, ай боли.
Толыше щяшто са ныбе,
Чымы вотяй бе, йа ныбе?!
Гуш быдяйш бяшдяся йоли,
Йоли вотяй бе, ай боли!


МЯСДЯНИ КИ МЯСДЯНИ

Ьяб кандедян бяйо ийян хялвяти,
Петовдяни дылым бячяй зилляти.
Сядо кардямчы зиндоно милляти,
Миллят мыни мясдяни ки мясдяни.

Ым мангуртон ки кашдя, ки зандедя
Дышдя дасти ыштя кцмя ьандедя.
Ышдя марде щыкми ышдян щандедя,
Миллят мыни мясдяни ки мясдяни.

Жо кяс бяштя пя нывыштя Бабяки
Тяпя вотдя бячымы банди, бячымы кц.
Бя тарыхи пешандя дц, кашдя дц,
Миллят мыни мясдяни ки мясдяни.

Щыня быкя тарсе быбц таримар,
Ты толыш бе фяхр бызын, мязын ар.
Вотдям ышдя ясыл-нясли мякя хар,
Миллят мыни мясдяни ки мясдяни.

Язизя Хыдо, щяни ъийе щявяс ни,
Ве зцманде дардым, нидом ябяс ни.
Бо дамони мыни игля ямяс ни,
Миллят мыни мясдяни ки мясдяни.

Зцлфиьарян чы Толыши шымши бе,
Бя зылмоти ьяним бешя щяши бе,
Бо озоди вей вяшши бе, тяши бе,
Миллят мыни мясдяни ки мясдяни.



Марде щесте охой бы жонкянышдя
Вотдят щяни ов бя, бийя барышдян
Чы Зярдушти рцшнийядя дянышдян
Миллят мыни мясдяни ки мясдяни.

Бобо, бяшды гцри ьыбон, чич быкям?
Бяшды рцшня пцри ьыбон, чич быкям?
Бя авеста нцри ьыбон. Чич быкям?
Миллят мыни мясдяни ки мясдяни.

Чы вятяни йоля доон пцтя бе,
Сцте-сцте мярдя зоон мцтя бе.
Яли Насир, ышды «кяйбя дцтя бе»,
Сядом бявон рясдяни ки рясдяни
Миллят мыни мясдяни ки мясдяни.



ЬЯЗЯНЯ

МИЛЛЯТ СЕ-ЧО КЯСЕ!

(Бя Яли Насири)

Миллят кийе?
-Се-чо кясе!
Бяс ямандяй?
-Гяляй, пясе!
Рящбяр нечий, йоля тарсе,
Чя тарсеку пяс бя ларзе.
Тарс чы хяльи ъыбзын ьарзе...
Мямлякятдя бцмяларзе...

Бори дцмян пыхя лцсе,
Димдя сырдя, гцйа дцсе,
Ко-сянятыш - «щявате-се»,
Тоъя хябон бяпе росне.
Мязын бо пей лцсян кясе
Чяш бя гыляй «маладесе»
Яв дяйцсе, ве хябисе,
Биномцсе, лцс ки лцсе!

Щаржо виндя чявон пцсе, -
Мязын бо пяс ымон дярсе,
Дямярясе, иъян тярсе,
Сесе, лясе, пяс ки пясе!
Пяс бя аьыл щич бярясе?!

Миллят кийе?
-Се-чо кясе!
Бой башмардом: ди - Шаьлясе,
Мязын щяммя мяся шяхсе,
И кяс хосе, да кяс няхсе!
Чыся бяся быняв Пенся,
Мязын тыни кийся мяся,
Зцлфцьари чичон кяшя? -
Сибирядя дяшя бяся...

Миллят кийе?
-Се-чо кясе! -
Явян хяльи нявы-няве,
Хяльи гяве, миллят яве,
Ком «ойоне» - бяй бяйоне,
Ым и-ды кяс - чан милйоне!
Бяс ямандяй?
-Пяс ки пясе,
Сес ки сесе, ляс ки лясе,
Бердям мявот беняфясе,
Я бори дцм - лцс бямясе,
Нечи бязне, явян лисе
Щяля чяшыш лап бя пцсе.

Ай Ьязяня, щяни вясе,
Ве сыхан кай лап ябясе
Йол Хыдойе, мязын няфсе
Няфси выря сйо ьяфясе,
Шцкцр быкя, кийся щесе,
Бя дывойе - Йол бямясе,
Бя имдодян Яв бярясе!..
КИЙСЯ ЩЕСЕ - МИЛЛЯТ ЩЕСЕ,
МИЛЛЯТ ЩЕЪО СЕ-ЧО КЯСЕ!!!