364.
Rushna
(10.02.2005 17:56)
0  
Салам аглон! Дюзи, ве фикым кай, сэм екуме бы тон -бэ тон, вэ охоэдэн азэн,бэ Симурги гыввэ, бэ гэрор омем ки,ым номэ оуо- атропати сайтэдэ бынывыштым… Эввала, чэмэ сыфтэнэ сайте, - чок я бевэдж, нам я гойм… ысэт ымеэн…Бэле, кали дусон ижэн бэвытен ки, ай Рушнэ, тынэ Хыдо хэни эйо дэмэши – эннэ биэдэбэ одэмон биэдэбэ гэпон жедэн ки, ыштэ хэйо-обыри огате бедэни…Розим! Энджэх, дард бымэдэйе ки, э биэдэбон ки, бэ гэвон чич омедэ вытдэн, чич омедэ нывыштэн вейни (гаваран хэммэйни!) чэмэ зонэкойе – йа толыше, йаэн ки, “тыркэ-толыше”. Мэсэлэн, шохид бин ки, ым охонэ ружонэдэ де са гылей ники (= де са гылей дими!) нэнэ-дэдэ домжонон доэ э одэмонэн мэзынбэн толошинбэн…Дэшдэш бэ Аздиаспора,Азтоп,Дейаз,… виндэш ки, эйоэн дейэнды тык бэ тык омэ кэсон толошонэн ныбон, эчей зонэко бешэкэсонин… Шымэ хэммэ шойдин ки, бэмэ – бэ толошон кэноко жо гылей ЙОЛЭ пйарыш кардэкэсэн ни вэ бэни! Дюзе, хакэнэ азэн ыштэко бешдэм,- бэ дашгынон гылей шейрэ джэвоби дойдэм, элбэсахатэн э аздейи модератор чэйо бекардэ. Бэсэ дэшдэм ки, кэмховсэлэти кардэм,энджэх бэвон росне пидэм ки, шымэ “нэнэ фолклор”эдээн бэшмэ джэвоб дой хозомон, - хынэйон хесте, жэго гылей джэвобиэн шымэ быдэйон… Хыдо рэхмэт быкэ, э тат Элиага Вахиди, - эгэм 2 том эдэбэ китобош хестбуэн, 3-4 том чапныбэ биэдэбэ шейроныш хесте ки, э шейронэн вейни бэй пйарыш кардэкэсон хэхэдэйе…Элбэттэ, бэштэ бэроэт дойдэним! Хар чи… Ымони нывыште мэгсэдым чиче, бывытым: одэми ым сютдэни ки, эвон - эввала hЭХСЫЗИН, дыминджи, БИЭДЭБИН, семинджи, чыми-чэй ШЕСТЕРКЭН…. НЕ!!! Одэми ым сютдэни ки, бэмэ вэ бэ кали толышэ лидерон hэхсыз-hэхли домжонон, шэрон гандэн…НЕ!!! Чич бэбе, быдэ бывтынэн, мэсэлэн, ым йа джо лидер бо кийо гэхрэман, бо кийо сатгын бе бэзне…Ымэн хич… Лап бывотэмон, эмэ хэммэ хэхсызимон – “сеператчиомон”, чы озорбойджони “дышменомон”, чы ермэни-уруси “ишпиономон”, чок, бэс бочи э биэдэбэ “толошэ” -тэнгидчион бэштэ ИНЭ домжонон дойдэн??? Чок, ысэт эмэ хэммэ “хаин” бимон, бэс ИНОН, НЭНОН (фэргыш ни, я тырке, я толоше, я урусе, я ермэнийе, я джухуде…) ки, сеператчион нин ки, э биэдэбон бэвон домжонон дойдэн… Дюзе, бы чыми джэвобэдэ Козер нывыштэ ки, ысэт лап “чэмэ” дылэдэ эннэ одэмон бэ мэйдон бешэн ки, чы уросон э мэхшурэ мать домжони бэйэнды дойдэн… Валла, жого шейи одэм мэсеэдэ лап шит бедэ – чы уруси эн биэдэбэ “сыпэ-омон”эн бэмэ жэго домжонон дойдэнин… Ысэт бывотэмон, мысылмони давлэтэдэ мэхлог гэдэ-гэдэ биэдэб бедэ, христиани мэхолэдэ бэ эдэб омедэн…
Хар чи… ымэн бэ джэхэнным!!! Валла-билла мыны джо ше сютдэ… Э 90-и эввэлонэдээн жэго эбий: Бокуэдэ бэ тыркон вэ йа бэ хукумэти одэмон мэйдон эхандимон, ысэт бой, ыштэ кэдэ де ды гылэй тэрсэ толоши зывон пэйдо карде нэзнимон… Хыдо зындэ, хэни ком хэнэконко беэшимон ки, эвони дейэнды и быкэмон…Зоа э Толишикэдэ бэ гэзети мэсэлэ горэм, нывыштэ ки, “виндэш ки, хар ше дюз бедэ, охоэдэ, икэрэмэн, и зывони пэйдо карде зындэнимон…”. Эглон, шымэ шойдин ки, аз ыштэ постонэдэ хэмишэ джэхд кардэме ки, бэйэнды мехрибан быбэмон, лап чэмэ э кали биэдэбэ хан-“пантыркистэ’ дашгынонэн…джэхд кардэм ки, бэ дюмо – бэ толошэти огардоном… Пидэним ки, э “ахмагон” ыштэ э сэводи бэ джо ахмагон бэхватон! Элбэттэ, чымы бэ навэнэ пости, нывыштышоне ки, Джанийеви мыхакимэ ныкэм! Чок, эввала, аз конкрет ном гэтэмни, дыминджиэн, бэ э Джанийеви дэфэлэрлэ аз занг кардэмбе ки, бой иджо ко быкэмон, сэводинэ зоэш…
ЭЛБЭТТЭ, чэмэ кали ыштэ- арэдэ бэ эглонкоэн ВЕ-ВЕЙ гыно виндэм, бэ чэй горэм ки, и кэс бэ тмар йа эчей йоли hэхэдэ гылей бевэджэ фики вытеэдэ, элбэсахат 3-4 кэс егынедэ эчей сэпе…ЫМ ДЮЗ НИ!!! Валла-билла дюз ни! Бэ гий пегэте лозиме ки, чэмэ толошэ зийалон гаварэн вейни бэ фикэдэн… Чэмэ прна –дээн э вахтон ве зийалон бэчей горэм бэ кэно мандин… Ысэт хэх – нохэх шимон бэ варианти. И руж тарых ыштэ гыймэти бэдо. Кали кэсон СЭХВЭН (!!!)жого фик кардэн ки, гуям Э. нэбий, э тмар –эн нэбий! Гуйа, э мэджлиси гырдэ карде нэзнимон! СЭХВЕ!!! Быдэ э СЭХВЭ фикрон вытэкэсон быросном ки, чы Озорбойджони йолэ мэджлисэдэ бэ э 25 кэси гаварэн 10 кэс бэмэмейилли бе ([хэлэм э назирон вытдэним)…Ве шейи выте пидэним, -энджэх ымиэн быросном ки, Бокуко гылей занг кифойэт кардэбе ки, 7 гылей рэйони депутатон бе Э.зю джэм быбон… Гаварэн лап ЙОЛЭ сэвйэдэ эбий – вахт бэбе, ве шейон бэзнен…ХАР ЧИ… Ижэн вытдэм, чич бе, бе…даварде…Хич кэси дыли арыштеэн пидэним! Аз хич кэси гынокор хисоб кардэним, сывой ыштэни!!! Ве сэхвонко дэрс пегэтеэн воджибе!
Икэрэмэн выттэм, бэ аппонентон фикри хурмет карде чэмэ бордже! Эвони мыхакимэ карде hэхымон ни! Аз дэфэлэрнэ ыштэ адреси нывыштыме ки, э одэмон бэмы бынывыштын – ыштэ ДЫЛИ ХЭММЭ окэн…Энджэх джэвоб номей…
МЫХЛЭС, фикым чиче???
1. Бэ э толошон ИККЭРЭМЭН мыраджиэт кардэм ки, быдэ тюбэ быкэн, домжонон шодэн, КО быкэн! Быми-бэй хыдмэт карде вэ бэ кали толошон пйарыш карде эвэзи, боштэ хэлги роэдэ ко быкэн, хич ныбо шейыр-мэлэ, хекойэ бынывыштон, лэтифон гырдэ быкэн,…КО вейе,-ВАХТ – кам!!! Хыдо рэхмэт быкэ З.Эхмэдзодэ, хич ныбо бэчей РУХИ хурмет быкэмон, бэ чэмэ роэдэ шэхид бе…Хан, виндэм ки, гэдэ-гэдэ бэ милли-гейрэт омедэш – Хилгэти бэ йод вардэш, хэни хэбэ ни ки, э фэгыри нэки ты, эмэнэн ве вахте нэвдэмон, де ысэт бой, эв ыштэ ИСТЕДАДИ ноэше бэ и кэно, бэ и тикэ нюни гэзэндж карде горэм, егынйэ чы дынйо-кухи сэхро дорози… Ахмагэ шейрэн быбо, гэдэ-гэдэм омутдэш нывыште…Бынывышт!
2. Бэ джо тэрэфи – бэ “ингилабчи”онэн мыраджиэт кардэм ки, иткэм бэ дюмо ше бызнон…Иккэрэмэн вытдэм, аз ыштэнэн хакэнэ ыштэко бешдэм, энджэх СЭБР кардеко сывой джо ромон НИ!!! Ыми бызнон ки,эгэм шымэ ыштэ hэхли бе субут карде горэм, 10 гылей факт вардэбюн, джо тэрэфэн чэйсэн ве фактон варде зындэ…Бэ1 иэн 2 шэхсон росне пидэм ки, мэркэзэдэ ныштэкэсон шымэ дыйэндокоэн тарседэн (ыштэн зындэн БОЧИ!), ысэт И быбон чич бэбе???
P.S. Бэчмы йод 90-дэ (манг йодэдэ ни) бэ гылей эхволот оме. Бэ Ланкон омем ве бэчэмэ гылей йерли шэхэрыжэ зийоли (йэген эв S.T. хандэ чымы ым сэтрон!) вытеме ки, бой иджо бышэмон бэ Ланкони Халг Джэбхэ гэроргах – бэ ДИАЛОГ. Ниййэтым ым бе ки, эчэвон лесон бекырным чэйо, хэйфин, быдэ ныпыхон (“У” ныбон!).Бэмы э Ланконыжэ S.зийоли вытыше ки, тынэм Хыдо, эйо мэши, хэммэ сэвыйсызэ одэмонин – нэнэ-дэдэ домжонон кардэн, чы шэхэри нэшэхорэ аварон… Азэн де зэрфэти вытеме ки, “гуйа эмэ ысэт авара нимон, егынйэмон бы ди- бэ ди сэпе, чиче ки, 2 гылей бэнэй бэмэ “ахмэхи” пэйдо бэкамон, хич норэхэт мэби,шимон…”. Пегэтомоне 100 гылей “Толыш” (№3) эйо пайбахш быкэмон. S. ловэш кай ки, гавар джо вахти э гэзети бэвон быдэмон, онсузэн ханде зындэнин…Вытеме ки, бэ шэклон дийэ бэкан ки, аз шубхэ бардэним ки, хэммэ бисэвод нин, гюмон ки, чэвон дылэдэ 2-3 гейрэтинэ сэводинэ толошэн бэбе… Ха…”Бисмиллa!”, вытымыне, шимон бэ чэвон чайханэ – бэ чэвон “ингилоби мэркэз”!.Тэрсэтико эйо хич кэси зындэнибим, энджэх S. 2-3 кэси виндыше -зынэше, вытеше ки, бышэмон эчэвон устулу тоно быныштэмон. Сыфтэ сэлом-кэломико пеш, ныштимон эйо… Дус мыныш тэгдым кай, иккэрэмэн виндемоне ки, хэммэ чайчи джэбхэчион жог бызон гылей йоле меджузи винде бэмэ тэрэф ерэхэн…Хэлэм, са кэрэм бэ дуси дэспардэмбе ки, прямой толыши партийэ номи мэгэтиш. Ымэн, лап тэвэш жэ эчей быни ки, бэс эмэ Толыши Ростбемонэ Фиргэ одэмонимон (бэвэдэ фиргэ ном жого бей). Виндыме ки, ойо вэзйэти бэ дас се лозиме, элбэсахат “толыш”и хэммэ 100 гылейэн бекаме бэ мэйдон вэ бэнэй ленини (Хыдо бэ шэйтони лэнэт быкэ!) бином кай ки, “Эхсэн быбо бэшмэ, ей Ланкони игидэ зоон, шымэ хэммэ чэмэ сэ барзон кардэ, ыме ха…Мэсковэдэ бешэ Толыш гэзетэдэ шымэ гэхраманэти хэхэдэ 2 йолэ сэхифэ материаломон доэ. “В Ленкорани временное правительство”! Шымэ йэген зындэн ки, ым материал э йэхэлиэ “Комсомольский Правда” гэзетэдэ бешэ, энджэх э гэзети Бокуэдэ лэвгышон кардэ, энджэх эмэ 10 хэзо тиражи ым гэзетэ тэкрор э мэгалэ бекардэмоне ки, быдэ хэммэ Азэабайджанэдэ шымэ гэхраманэти бызнон”. Бэвэдэ аз Эликрами,Хусейнгули,… нэзним… Чымы ым сыфтэнэ чыхыш иткэм эвони сокитлэшдирмиш каше… Дюзи, ыштэ “доклади” чы гэзетико бино карде ниййэтым ныбе, Хыдо мыныш хифз кай… S. эйште, гэзети пайбахсыш карде чавон арэдэ…Хэггэтэн э бэдбэхтон биношон кай бэ гэзети шэклон диэ карде… Бы мэгомэдэ,иткэм кэноэдэ гылей гыжинэ колоэ зоэ бэмы ерэхэбе вэ сыволош дой ки, бэс хэминэ мэголэ номи тоно кэшэ бэ шэкли мэхне чиче, вэ э шэкылэн Комсомолскиэдэ бешэ йа не? Бэсэ дэшим ки, ым сыволи доэ кэс иткэм агылманде вэ хэдэрэ э сыволи дойдэни…Э шэкыл ки, вытдэбе эв гэзетэдэ бешэныбе. Эмэ пешо бэ мэголэ эловэмон кардэбе, ве гюмон оригинал э зоэ дастэдэ бэбе…
Ха, эглон, хаиш кардэм, кийко э гэзет хесте, окэнэн, дийэкэнэн бэвиндейон ки, гылей лэпэйнэ дыйойе, эчей сэпе гылей шындо (сыгэ пиллэкэн) вэ гылейэн мерд панамаш ноэ бэ сэ рос бедэ де шындо, 2-3 пилэкэн мандэ ки, дебэчей сэпе быбо…
Э хэммэ шэхэрыжэ джэбхэчионэн (чымы вытэйнэ,гэхраманон) ерэхин бы шэкли…
Азэн резки дамэ бим ки, “не, э шэкыл Комсомолкэдэ бешэныбе, эмэ эловэмон кай, чэй мэхнеэн ыме: эввала, де шындо рос бэ кэс шымэ хэммэ джэбхэчион йол– Э. бэйе!» Ибердэн, ижэн хаманэ зоэ пеларзэ, вэ дамэ бе ки, бэс эв бэ комрэ рост бедэ, джэми ды пилэкэн мандэ… Азэн дийэкаме бэ джаамати, виндыме ки, хэммэ ерэхэн бэмы де мараги, ысэт чич бэвытем…
Езизе дусон! Ве бэ чэтини егынйэбим, дюзи вытеко сывой хиччи вырэм мандэныбе. Эве, ки гуйам ки, де зэрфэти сыре-сыре (Хыдо бэ сийосэти лэнэт быкэ!)вытыме: Ойо чиче хесте, бо сэ дэшдэнин… Мэхнешэн ыме ки, шымэ лидер пешедэ де бэ охой, пешо шымэнэн эчей дюмо, чэйоэн эв, эчей дюмоэн шымэ хэммэйон шобэдон ыштэни дюз бэ дыйо мыйнэ… Ысэт, ки тасэй-тасэй, киэн нытасэй, чэмэ толышэ фиргэ пешо гылей-гылей эвони пэйдо бэка, пешо – дыминджи – толоши ингилоби бэка…” Дюзи, ки сырей, киэн бэрк бэ фик ше… (йэген ахмагон сырин, э чымы нэвэ толошон бэ фик шэбин).Чымы джэвоб эннэ бэ S.-и лэззэт дойше ки, эйште сэпо вэ бэвон вытыше ки, ысэтэн даси дэгандэнэн бэ джиби, гэзети гыймэт 1 рубле, ысэт эловээн чич бэдон-бэдон, машки бэ 2-джи ингилоби хозо бе лозиме… Хэрчэнд ки, гэзети хэвате ниййэтомон ныбе… Ха… Деминэ ко сэ ныбе… Мэликмэммэди нэгылико гэтэ дебэ Куэзынги нэгыли эннэ гэпым жей ки, хэни чич бывытым…Охоэдээн вытыме ки, ай бэдбэхтон, ха ыштэни шоддэн ойо-эйо, толоши печати жэшоне бэшмэ кэллэ иэн бэ зывон, конджо бышонэн, лап чыврэ тыркэн быбош, вытдэн ки толошиш… Эве ки, сыфтэ, ыштэ кэ фики быкэмон…. Э гыжинэ коло такардэкэси йэген ки, зынэйоне… Машкинэ ружи, чанг гылэй гейрэтмандэ толош чэйо бешин, омен бэ чэмэ фиргэ…
Дюзе, пешо 2-джи кэрэм эмэ ыштэниэн шодомоне бэ дыйо дылэ… Энджэх шукур бэ Хыдо ки, тасэйон кам бин! Эве ки, ысэт бэ семинджи попытка ЭНДЖЭХ де ЙОЛЭ СЭБРИ иэн АГЫЛИ ше лозиме ки, быдэ хич кэс нытасо! СИНОВ ХАРДЕ ОМУТЭМОН!!!
Сэломэт бымандэнэн! Быбахшэнэн ки, шымэ сэ дожниме!
|
